Aida dhe Bjordi janë akomoduar në verandë dhe po bisedojnë shkujdesur larg vëmendjes të banorëve të tjerë. Ata mendojnë se gjithë kjo miqësi është shumë e bukur, por nuk i dihet nëse do të jetë apo jo e tillë deri në fund. Aida thotë se është shumë e vështirë dhe kjo do shihet se kush do të rezistojë deri në fund, pasi deri atëherë shumë gjëra do të ndryshojnë. Aida e komplimenton Bjordin duke i përkëdhelur sedrën për inteligjencën e tij. Më pas ajo tregon për mikeshat e saj të ngushta që e shohin nga ekrani, arsyet që e shtynë për të hynë në Big Brother, madje tregon se edhe i dashuri i saj mund ta shohë në ato çaste. Bjordi habitet sesi ajo ka të dashur pasi nuk e kishte degjuar me pare dhe e ngacmon duke i thënë se mund të bëhet xheloz kur ai e puth. Por, Aida pohon se ai e njeh shumë mirë dhe nuk mund të ndodhë kjo gjë. Bjordi bëhet kurioz dhe e pyet për shumë detaje, por ajo mjaftohet me faktin se nuk janë ndarë zyrtarisht, por janë duke bërë një pauzë të shkurtër.