Bjordi tregon për të ëmën!

I pyetur nga Arjoni, Bjordi tregon se përpara se të largoheshin nga Shqipëria, e ëma e tij kishte patur probleme me shtetin, “me diktaturën”, pavarësisht se ai nuk e dinte saktësisht se cfarë. Më pas, kur kishin shkuar në Itali ajo e kishte nisur gjithcka nga zero, duke punuar e sakrifikuar shumë. Më në fund, ajo kishte arritur të hapte një bar. Rreth 1994-ës ata kishin fituar të drejtën për t’u pajisur me pashaportë italiane por ajo kishte refuzuar. Tani kishte arritur nivele shumë të larta dhe shoqërinë e kishte po ashtu të pozitave më të larta. “Mamaja ime është më burrë sesa shumë burra që njoh!”- është shprehur Bjordi referuar zotësisë së të ëmës. Arjoni, duke shprehur vlerësimin e tij, e ka pyetur nëse është e lidhur dhe e bukur e ëma e tij. Bjordi ka mohuar përsa i përkiste lidhjes së të ëmës dhe ka pohuar përsa i përkiste bukurisë së saj, duke i treguar Arjonit se ajo ishte bjonde, me sy bojëqielli. “Nuk e di pse e imagjinoja pikërisht kështu!”- është shprehur Arjoni.