“Dua të bëhëm si Qetsori!”

Duke biseduar me Zhuljetën, Arjoni i ka thënë asaj se do të donte të ishte si Qetsori, kur të arrinte në moshën e tij. Ai ka thënë se i pëlqente shumë natyra apo tipi i tij, gjë që e ka miratuar edhe Zhuljeta, duke shtuar se ai ishte interesant, i zhdërvjellët e nuk të linte kurrë të bije në monotoni. Ai ka vazhduar duke thënë se edhe pse mund të detyrohej ta nominonte, sepse e konsideronte si një konkurent nga më të fortët, ai do të vazhdonte ta pëlqente. “Është pak herët, - ia ka kthyer Zhuljeta, - për të thënë se cili është më i forti!” Megjithatë, ajo ka shtuar se po të kishte qenë djalë, do të ishte si Qetsori.