“Kam tradhëtuar nga kurioziteti!”

Një tjetër argument për të cilin kanë diskutuar banorët në lojën e tyre, ka qenë tradhëtia. Pyetjes së Aidës se nëse kishte tradhëtuar ndonjëherë, Pavlini iu përgjigj po, por nuk dinte të jepte një përgjigje nëse e kishin ose jo tradhëtuar. Sipas tij, në varësi të rrethanave, tradhëtia edhe mund të falej. Aida vazhdoi me pyetjen se cfarë e kishte shtyrë atë të bënte një veprim të tillë, gjë të cilës Pavlini iu përgjigj duke thënë se kishte dashur të provonte diçka që nuk e kishte provuar më parë, pra kurioziteti. Ai tha gjithashtu se nuk do t’ia kishte rrëfyer tradhëtinë e tij, personit që kishte tradhëtuar, me përjashtim të rastit kur do të ndihej në faj për atë që kishte bërë.