Kryefamiljari

Banorët diskutojnë se cili do të bëhet kryefamiljari për këtë javë. Dritani u tregon të tjerëve se Sori ka dhënë dorëheqjen nga kjo detyrë dhe se duhet të zgjidhet një tjetër. Kur Adelajda e kishte pyetur, Sori kishte thënë se le të bëhet Tani pasardhësi i tij dhe Dritani është dakord që ta vazhdojë por, duke marrë edhe pëlqimin e të tjerëve. Zhuljeta thotë se të gjithë duan të jenë kryefamiljarë. Dritani mendon se është më mirë që për cdo javë të jetë një i ndryshëm dhe në këtë mënyrë të gjithë e provojnë. Adelajda vendos se nuk do bëhet kryefamiljare sepse nuk e bën dot. Të gjithë bien dakord që ta provojnë me radhë duke e vendosur kështu me konsensus. Arjoni i thotë Aidës se ata të dy bëjnë mirë të mos flasin e të ulin kokën sepse nuk i dihet do jenë më apo jo në shtëpinë e BigBrother. Dritani i thotë se duhet të flasin sikur janë këtu sepse asgjë nuk dihet. Edhe Aida mendon se ashtu duhet të flasin dhe se ashtu do të flasë deri në fund.