Tre banorë të rinj në shtëpi

Një tjetër surprizë, jo fort e këndshme kësaj rradhe, iu bë banorëve të shtëpisë nga Vëllai i Madh. Tre banorë të tjerë i janë shtuar shtëpisë më të famshme e më të vëzhguar të Shqipërisë, Juna, Arjani dhe Eltoni. Banorët “e vjetër” nuk u dukën shumë entuziastë në lidhje me hyrjen e tyre dhe të pyetur nga Arbana, sesi e përjetuan këtë gjë, ata nuk i kursyen komentet. Por nuk mbaronte këtu. Vëllai i Madh kishte vendosur që banorët e rinj, Ani, Anjeza, Arjani, Eltioni dhe Juna do të flinin sëbashku në një nga dhomat e gjumit dhe banorët e vjetër në tjetrën. Por, dy prej këtyre të fundit, për mungesë krevatesh në dhomën e tyre, duhet të kalonin tek të rinjtë. Vëllai i Madh i la ta vendosnin vetë se kush do të ishte dhe ata që u ofruan ishin Bjordi dhe Arjoni.