Diskutimi i buxhetit

Dita e sotme i ka gjetur banorët duke u kujdesur për lopët dhe duke diskutuar buxhetin e javes. Në fakt, gjatë gjithë natës, të ndarë në çifte, ata janë kujdesur për lopët, Sonjën dhe Tean. Secili çift ka qëndruar nga 2 orë me lopët. Çifti i parë ka qenë Adelajda dhe Bjordi. Sipas këshillave të veterinerit, banorët duhet që t’i ushqenin, lanin dhe milnin. Të parëve që u ka takuar t’i ushqenin kanë qenë Adi dhe Lirita, madje kjo e fundit ka rregulluar edhe rrethimin e tyre, kur njëra prej tyre tentoi të largohej. Dritani u ka dhënë për të pirëdhe i ka pastruar për t’i bërë gati për mjelje. Ndërkohë Pavlini, Qetsori e po ashtu edhe Dritani janë marrë me mjeljen. Atyre u nxorri pak probleme lopa e zezë, sepse nuk i linte që ta milnin. Më pas ajo u qetësua dhe cdo gjë shkoi ashtu siç duhej. Në mengjes veterineri erdhi të shikonte lopët dhe të kontrollonte punën e banorëve dhe përpara se të largohej, nuk harroi t’i këshillonte sërish. Një ngjarje tjetër e rëndësishme e ditës ishte diskutimi i buxhetit. Kjo javë i gjen banorët e shtëpisë së Big Brother me një buxhet të përgjysmuar, rezultat i moskalimit të provës. Ndaj atyre u duhej të organizoheshin më mirë e të hiqnin dorë nga një pjesë e blerjeve, ushqime ose jo, për ta përballuar javën me të ardhurat e reduktuara.