Dua të bëhem oficere policie!

Republika ka ndarë edhe me Qetsorin dëshirën e saj të madhe për të hyrë në forcat e policisë. “E kam ëndërr!”- ka thënë ajo. Republika ka vazhduar duke thënë se kjo gjë i përshtatet shumë dhe ajo e sheh shumë mirë veten në këtë gjë. Për fat të keq vitin e parë që donte të aplikonte, akademia u mbyll, ndërsa vitin e dytë një nga kriteret e pranimit ishte patenta për drejtim automjeti, që ajo nuk e kishte. Këtë vit, para se të hynte në Big Brother, i kishte plotësuar të gjitha dokumentet, kishte bërë edhe kursin dhe e kishte marrë patententën dhe sa të dilte nga shtëpia, do të konkuronte. Ajo ka thënë se e dinte që ishte punë e vështirë, por e kishte pasion. Republika ka shtuar gjithashtu se ky profesion paragjykohet në Shqipëri. “Një femër police, këtu, askush nuk e sheh me sy të mirë!” – ka thënë ajo.