Unë jam për barazinë gjinore!

Sipas Arjonit, të rejat shqiptare janë në një fazë emancipimi, por jetojnë akoma në familje konservatore. Kjo krijon, sipas tij, një situatë mjaft delikate. Ai thotë se është për një rol të barabartë të gruas dhe të burrit në familje e në shtëpi, por është kundër atyre grave që edhe e zgjedhin vet të bëjnë shtëpiaken, edhe pretendojnë që kur burri të kthehet nga puna, t’u bëjë punët e shtëpisë. Nëse edhe gruaja edhe burri punojnë diku, të dy duhet të kontribuojnë kur kthehen, por nëse gruaja nuk ka dëshirë të punojë dhe zgjedh të jetë shtëpiake, atëherë duhet ta luajë këtë rol deri në fund.