Një mal me pjata për t’u larë ishin motivi që Adela dhe një nga banorët më të rinj të shtëpisë, Toni, ishin bashkuar para lavamanit. Në punë e sipër, Adela tentoi që ta zhbirojë Tonin, duke qenë se ai sapo ka ardhur nga jashtë shtëpisë së “Big Brother”-it. Vajza nga Kavaja e pyeti djalin nga Tirana sesi i ishin dukur atij banorët, të parë nga jashtë shtëpisë, dhe cili nga konkurrentët i kishte pëlqyer më shumë. Duke ndjekur rregullat dhe njëkohësisht pa dashur t’i japë përgjigje kësaj pyetjeje të drejtpërdrejtë, Toni rrëfeu se nuk mund të flasë për banorët, duke iu referuar mendimit dhe sjelljes së tyre të parë nga jashtë. Ai shtoi se nuk mund të tregojë emrin e të preferuarit, por mund të thotë ata që nuk i pëlqejnë. Adela u bë shumë kureshtare për të mësuar emrat e banorëve që nuk i pëlqenin Tonit, por ai e qetësoi duke i thënë se ajo duhet të mos shqetësohet, sepse nuk bënte pjesë mes konkurrentëve antipatikë.
0 Komente:
Posto një koment